Перад візытам міністаркі замежных спраў Нямеччыны Анналены Бэрбак у Кіеў Украіна яшчэ раз заклікае Нямеччыну даць зброю, заявіў амбасадар Украіны ў Бэрліне Андрэй Мельнік.
Бэрбак наведае Кіеў 17 студзеня і Маскву 18 студзеня, у прыватнасьці, для перамоваў аб дзеяньнях Расеі, паведаміў на гэтым тыдні прэс-сакратар МЗС Нямеччыны Крыстафэр Бюргер.
«Мы зьвяртаемся да ўраду Нямеччыны, і ў прыватнасьці да міністра замежных спраў Бэрбак, з просьбай тэрмінова дапамагчы Ўкраіне зь неабходнай зброяй для абароны», — сказаў Мельнік у інтэрвію нямецкаму агенцтву DPA.
Паводле амбасадара, цяпер сьвет знаходзіцца пад пагрозай найбуйнейшай вайны з 1945 году празь дзеяньні Расеі.
ГЛЯДЗІЦЕ ТАКСАМА: «Пуцін баіцца паўстанцаў». Намесьніца дырэктара Цэнтру Эўразіі пра Казахстан і пляны расейскага ўварваньня ва Ўкраіну