Усе сем’і, якім раней Ініцыятыва IneedHelpBy аказвала харчовую дапамогу, могуць атрымаць падарункі для дзяцей праз удзел навагодняй акцыі «Калядны сябар».
«Напярэдадні Новага году ўсе мы чакаем нечага добрага. І асабліва трапятліва навагодніх і калядных падарункаў чакаюць дзеці, бо вераць у чараўніцтва. А мы, дарослыя, здольныя зрабіць казку і цуд рэальнасьцю», — гаворыцца ў паведамленьні IneedHelpBy.
Што трэба зрабіць?
Каб «Калядны сябар» прынёс падарунак дзіцяці, неабходна адправіць у чат-бот INeedHelpBY_bot у Telegram каманду /newyear, пасьля чаго прытрымлівацца інструкцыі.
У Ineedhelpby падкрэсьліваюць, што ініцыятыва працягвае аказваць харчовую дапамогу сем’ям, якія цалкам або часткова страцілі крыніцу даходу ў выніку палітычных рэпрэсій. Калі такая дапамога неабходная, варта падаць заяўку праз чат-бот.
ГЛЯДЗІЦЕ ТАКСАМА:
Як дабрачыннасьць стала апошнім беларускім паратункам