Тэксты будуць «аб тым, каб перастаць адчайвацца і пачаць дзейнічаць у рамках сваіх магчымасьцяў», піша sojka.io.
«Нашы палітвязьні танчаць за кратамі і малююць на нарах, спрабуюць пакончыць з сабой у зале суду і аб’яўляюць галадоўку. І ў нас няма часу ненавідзець адзін аднаго і шкадаваць сябе. Наша мэта — аб’яднацца і рабіць сваю справу, на фінішы ў нас — Беларусь», — падкрэсьлівае аўтарскі калектыў.
ГЛЯДЗІЦЕ ТАКСАМА: Мэдыцына, культура, спорт, права. Як грамадзянская супольнасьць замяняла дзяржаву ў 2021-мСайт плянуе публікаваць інтэрвію і вялікія матэрыялы, у якіх будуць пісаць, як захаваць спакой і здароўе, як знайсьці сваіх у розных краінах, як дапамагчы зьняволеным і іх сем’ям, як вучыць беларускую мову і перадаваць яе дзецям.
«Кожны матэрыял мы рыхтуем і правяраем разам з экспэртамі, каб у ім зьмяшчаліся толькі актуальныя факты і практычныя парады», — заяўляюць аўтары праекту.
У найбліжэйшай пэрспэктыве — запусьціць падкасты.
ГЛЯДЗІЦЕ ТАКСАМА: «Пасьля 2020 году ўсе дапамагалі адно аднаму». Удзельніца пратэстаў стварыла ў Варшаве суполку для беларускіх стартапэраў ГЛЯДЗІЦЕ ТАКСАМА: Ініцыятыва «Беларусаў замежжа» стварыла сайт са сьпісам кампаній, якія супрацоўнічаюць з рэжымам Лукашэнкі