Бацька Ільлі Трахтэнберга на сваёй старонцы ў Facebook напісаў, што адміністрацыя папраўчай калёніі № 15 пазбавіла ягонага сына працяглага спатканьня. Прычына: хлопец пакінуў сушыцца ручнік на рагу нары.
Акрамя гэтага, раней палітвязьня ўжо пазбавілі двух кароткатэрміновых спатканьняў і не ўручылі вітаміннай перадачы, паведамляюць праваабаронцы.
Ільля Трахтэнберг — фігурант «справы студэнтаў», яго адлічылі з другога курсу матэматычнага факультэту БДУ.
16 ліпеня суд Савецкага раёну Менску прысудзіў палітвязьню 2,5 года калёніі ва ўмовах агульнага рэжыму.
ГЛЯДЗІЦЕ ТАКСАМА: Асуджаных у «справе студэнтаў» прызналі «схільнымі да экстрэмізму»Праваабарончы цэнтар «Вясна» піша, што фігурантаў палітычных крымінальных справаў пачалі пераводзіць у СІЗА-1. Апошнім часам зь СІЗА КДБ у СІЗА-1 на Валадарскага перавялі палітвязеня Эдуарда Бабарыку, анархістаў Ігара Аліневіча, Дзьмітрыя Дубоўскага, Сяргея Раманава, Дзьмітрыя Разановіча і затрыманага ў «справе аб дзяржперавароце» Дзяніса Краўчука.
З чым зьвязана прычына пераводу, невядома.
ГЛЯДЗІЦЕ ТАКСАМА: «Мы ўсё яшчэ змагаемся». Што адбываецца са студэнцкім рухам праз год пасьля «справы студэнтаў» ГЛЯДЗІЦЕ ТАКСАМА: Суд над анархістамі ідзе ў закрытым рэжыме чацьвёрты дзень, трое адмовіліся наведваць пасяджэньні