Беларусь разам зь Міжнароднай арганізацыяй па міграцыі (МАМ) і Ўпраўленьня вярхоўнага камісара ААН выпрацоўвае меры па вяртаньні мігрантаў зь мяжы з Польшчай, заявіў журналістам начальнік дэпартамэнту па грамадзянстве і міграцыі МУС Аляксей Бягун.
«Цяпер на тэрыторыі Беларусі знаходзяцца прадстаўнікі Міжнароднай арганізацыі міграцыі, прадстаўнікі ўпраўленьня вярхоўнага камісара ААН у справах уцекачоў, якія праводзяць шэраг сустрэч з рэспубліканскімі органамі дзяржаўнага кіраваньня, дзе выпрацоўваюцца сумесныя крокі па ўрэгуляваньні міграцыйнага крызісу на беларуска-польскай мяжы», — сказаў Бягун.
Паводле яго слоў, бакі будуць «шукаць сумесныя мерапрыемствы па вяртаньні асоб, якія хадайнічаюць аб вяртаньні на радзіму, а таксама па ўрэгуляваньні іх прававога статусу, магчымым допуску ў трэцюю краіну, якая захоча іх прыняць».
ГЛЯДЗІЦЕ ТАКСАМА: Менск заяўляе пра паляпшэньне кантактаў з польскімі памежнікамі, Варшава — пра «прэлюдыю да горшага»Таксама Бягун заявіў, што ніхто зь мігрантаў з Блізкага Ўсходу з хадайніцтвам аб наданьні прыстанішча ў Беларусі не зьвяртаўся.
Напярэдадні Нямеччына адмовілася прыняць 2 тысячы мігрантаў, якія знаходзяцца ў Беларусі. 22 лістапада адбыўся другі эвакуацыйны рэйс, зь Беларусі вылецелі 118 мігрантаў, цяпер да вяртаньня рыхтуецца яшчэ адна група.
ГЛЯДЗІЦЕ ТАКСАМА: Яшчэ 118 мігрантаў вярнуліся зь Беларусі дадому; іншыя спрабавалі прарвацца ў Польшчу ГЛЯДЗІЦЕ ТАКСАМА: Нямеччына адмовілася забраць 2 тысячы мігрантаў зь Беларусі, на што спадзяваўся Лукашэнка