З гэтай нагоды ў ведамстве пракамэнтавалі, што за апошні тыдзень праведзена «дадатковая праца дзеля дэталізацыі аб’ёмаў плянавай мэддапамогі».
ГЛЯДЗІЦЕ ТАКСАМА: Міністэрства здароўя патлумачыла, што прыпыніла плянавую дапамогу ў паліклініках праз сытуацыю з каранавірусам18 кастрычніка кіраўніцтва міністэрства аб’явіла аб прыпыненьні аказаньня плянавай дапамогі — дыспансэрызацыі, рэабілітацыі, фізыятэрапіі, стаматалягічнай дапамогі ды іншых працэдур.
Пазьней Аляксандар Лукашэнка раскрытыкаваў падобныя меры, пасьля чаго зьявіліся іншыя ўводныя.
ГЛЯДЗІЦЕ ТАКСАМА: Лукашэнка загадаў скасаваць пастанову Мінздароўя і вярнуць плянавыя агляды і апэрацыі«Частка арганізацый аховы здароўя перапрафіляваныя ў інфэкцыйныя шпіталі, аптымізаваная праца паліклінік. Амбуляторная дапамога інфэкцыйным пацыентам і іх кантактам пераарыентаваная на аказаньне дапамогі дома», — гаворыцца ў паведамленьні ведамства.
Там адзначылі, што ў паліклініках «прыняты дадатковыя захады для недапушчэньні зьніжэньня даступнасьці мэддапамогі, у першую чаргу пажылым асобам і інвалідам».
ГЛЯДЗІЦЕ ТАКСАМА: «Колькі яшчэ трэба сьмерцяў, каб вы дасталі свае языкі з аднаго месца?». Дактары пра адмену масачнага рэжымуЗагад рэглямэнтуе плянавую стаматалягічную дапамогу, скрынінг раку асноўных лякалізацый, дыспансэрны агляд асобаў, якія перанесьлі інфэкцыю COVID-19, прыём пацыентаў з хваробамі сардэчна-сасудзістай сыстэмы з рызыкай ускладненьняў і зь перадпухліннымі захворваньнямі.
Рэспубліканскія навукова-практычныя цэнтры, спэцыялізаваныя лякарні ў рэгіёнах працягнуць аказваць спэцыялізаваную дапамогу людзям з неінфэкцыйнай паталёгіяй, у тым ліку з хваробамі сыстэмы кровазвароту, анкалягічнымі захворваньнямі, цукровым дыябэтам і іншымі ў поўным аб’ёме.
ГЛЯДЗІЦЕ ТАКСАМА: Пасьля вокрыку Лукашэнкі ў Беларусі адмянілі патрабаваньне насіць маскі і трымаць дыстанцыюРаней Лукашэнка назваў недапушчальным гвалт у адносінах сацыяльнага дыстанцыяваньня і нашэньня мэдычных масак. На яго перакананьне, у гэтай справе мусіць быць прынцып добраахвотнасьці.