Генэральная пракуратура Беларусі адмовілася выдаць Расеі «сьведку Яговы» Алега Ланшакова. Яго выпусьцілі зь берасьцейскага СІЗА пасьля трох тыдняў зьняволеньня, паведаміла «Медиазона».
У Расеі «сьведак Яговы» з 2017 году перасьледуюць як удзельнікаў экстрэмісцкай арганізацыі.
Ратуючыся ад перасьледу, Алег Ланшакоў у 2020 годзе пераехаў у Берасьце, атрымаў від на жыхарства і падаў хадайніцтва на палітычнае прыстанішча.
Гэта ня першы выпадак, калі ўлады Беларусі не выдаюць егавістаў Расеі. Летась у красавіку Генпракуратура адмовілася выдаць у Расею Мікалая Махалічава, якога там абвінавацілі ў арганізацыі экстрэмісцкай групы. Махалічаў таксама папрасіў палітычнага прыстанішча, калі быў у віцебскім СІЗА. Ці далі яму такі статус, не паведамляецца.
ГЛЯДЗІЦЕ ТАКСАМА: Задушэньне, электрашокер, пагрозы згвалтаваньня. Сьведка Яговы ў Расеі заявіў пра катаваньні пасьля затрыманьня ГЛЯДЗІЦЕ ТАКСАМА: Свабода сумленьня ў Беларусі: погляд з ЗША