Фэдэральнае бюро расьсьледаваньняў праводзіць ператрус у доме расейскага алігарха Алега Дзерыпаскі, паведамляе NBC.
У 2018 годзе Міністэрства фінансаў ЗША ўвяло пэрсанальныя санкцыі супраць Дзерыпаскі і шэрагу іншых расейскіх бізнэсоўцаў і чыноўнікаў у сувязі з «варожымі дзеяньнямі Расеі па ўсім сьвеце», нагадвае «Наша Ніва». Сярод прычынаў санкцый было таксама і ўмяшаньне Расеі ў прэзыдэнцкія выбары 2016 году ў ЗША.
Дзерыпаска займае 37-е месца ў рэйтынгу найбагацейшых бізнэсоўцаў Расеі паводле вэрсіі Forbes. Паводле ацэнак часопіса, яго маёмасьць мае кошт 16,8 млрд даляраў.