Суд

Праваабаронцы назвалі сямёрку менскіх судзьдзяў, якія вынесьлі найбольш крымінальных прысудаў пратэстоўцам

Заля пасяджэньняў у судзе Цэнтральнага раёну сталіцы

Праваабаронцы «Вясны» падлічылі, хто зь менскіх судзьдзяў вынес найбольш прысудаў пратэстоўцам у крымінальных справах.

1. Дзьмітры Карсюк, суд Цэнтральнага раёну, — 20 выракаў

Асудзіў паводле палітычных артыкулаў КК мінімум 20 чалавек.

Зь іх 5 адправіў у калёнію, 7 — на «хімію», 8 — на «хатнюю хімію».

11 — за арганізацыю ці ўдзел у беспарадках (арт. 342),
2 — за масавыя беспарадкі з гвалтам ці супрацівам (арт. 293).

2–3. Марына Фёдарава, суд Фрунзэнскага раёну, — 16 выракаў

Зь іх 12 — фігурантам «справы студэнтаў».

Юлія Блізьнюк, суд Фрунзэнскага раёну, — 16 выракаў

Зь іх прынамсі 9 — на зьняволеньне ў калёніі.

4. Дзьмітры Астапенка, суд Заводзкага раёну, — 14 выракаў

Зь іх 11 — прысуды ўдзельнікам закрытага чату: ад 5 да 9 гадоў калёніі

5. Вікторыя Шабуня, суд Цэнтральнага раёну, — 12 выракаў

Зь іх 9 — на розныя тэрміны ў калёніі.

6. Максім Трусевіч, суд Першамайскага раёну, — 11 выракаў

Зь іх прынамсі тры — зьняволеньне ў калёніі.

7. Сяргей Епіхаў, Менскі абласны суд, — 7 выракаў

Зь іх усе — зьняволеньне ў калёніі.

ГЛЯДЗІЦЕ ТАКСАМА: Стала вядома, у чым вінавацяць праваабаронцу Алеся Бяляцкага, якога пакінулі пад арыштам

Хто з згаданых судзьдзяў у санкцыйным сьпісе і «адміністрацыйным топе»

Эўразьвяз увёў пэрсанальныя санкцыі супраць судзьдзяў:

  • Юліі Блізьнюк,
  • Максіма Трусевіча,
  • Вікторыі Шабуні,
  • Марыі Ярохінай.

У ліпені праваабаронцы склалі «адміністрацыйны топ-10» судзьдзяў — тых, якія далі найбольш штрафаў і «сутак». Чатыры судзьдзі з таго сьпісу трапілі ў сёньняшні «крымінальны топ»:

  • Дзьмітры Карсюк,
  • Максім Трусевіч,
  • Марына Фёдарава,
  • Вікторыя Шабуня.
ГЛЯДЗІЦЕ ТАКСАМА: Праваабаронцы склалі сьпіс 10 самых рэпрэсіўных судзьдзяў Менску

У Беларусі найбольш палітычных выракаў вынесьлі берасьцейскія судзьдзі

Больш за ўсё палітычных прысудаў у Беларусі вынесьлі берасьцейскія судзьдзі. У «пінскай справе» і справе аб «масавых беспарадках» яны за раз дзясяткамі адпраўлялі людзей у калёніі.

У «карагоднай справе» ўжо асудзілі 81 чалавека на 8 працэсах, у пінскай справе — 14 чалавек.

Самыя масавыя «судовыя канвэеры» ладзілі берасьцейскія судзьдзі

  • Вера Філонік,
  • Іна Клышпач,
  • Святаслаў Каліна
  • і іншыя.

Амаль тысяча крымінальных прысудаў пратэстоўцам

Усяго за год паводле «палітычных» крымінальных артыкулаў асудзілі сама меней 976 чалавек. Зь іх пазбавілі волі 449 чалавек, паведаміла «Вясна».

ГЛЯДЗІЦЕ ТАКСАМА: 5 гадоў Ашурку, які памёр за кратамі, і «суткі» за кветкі. Хто з судзьдзяў трапіў у санкцыйны сьпіс і чаму