Нагодай стаў відэакамэнтар палітыка і бізнэсоўца адносна трагедыі са стралянінай на вуліцы Якубоўскага ў Менску.
Сьледчы камітэт Беларусі, які расьсьледуе крымінальную справу аб забойстве супрацоўніка КДБ «у сувязі з ажыцьцяўленьнем ім службовай дзейнасьці», на падставе камэнтароў «дэструктыўна настроеных асобаў па-за межамі краіны» пачаў справу супраць Валера Цапкалы — маўляў, заклікаў да гвалту ў дачыненьні да праваахоўнікаў і нават да забойстваў.
ГЛЯДЗІЦЕ ТАКСАМА: Што вядома пра сьмерць Андрэя Зельцара, які загінуў у перастрэлцы з супрацоўнікам КДБЗ заявы ведамства вынікае, што 29 верасьня ён разьмясьціў відэазапіс, у якім назваў забойства супрацоўніка КДБ «прыкладам таго, як трэба змагацца» для ўсіх жыхароў Беларусі, публічна заклікаў да збройнага захопу дзяржаўнай улады, гвалтоўнай зьмены канстытуцыйнага ладу, а таксама іншых дзеяньняў на прычыненьне шкоды нацыянальнай бясьпецы.
На падставе гэтага Галоўнае ўпраўленьне ў расьсьледаваньні арганізаванай злачыннасьці і карупцыі Сьледчага камітэту пачало крымінальную справу паводле ч. 3 арт. 361 Крымінальнага кодэксу.
ГЛЯДЗІЦЕ ТАКСАМА: Ціханоўская пра 2 сьмерці ў Менску: «Людзі вымушаныя бараніць сябе самі». Лукашэнка: «Беспакараным гэта не застанецца»Сьледчы камітэт зьвяртае ўвагу, што за падобныя заклікі пагражае крымінальная адказнасьць, санкцыя прадугледжвае да 7 гадоў турмы.
Крымінальная справа ў дачыненьні да Валера Цапкалы злучаная вядзеньнем з ранейшымі абвінавачаньнямі ў карупцыі.
Экс-прэтэндэнт на найвышэйшую дзяржаўную пасаду пасьля леташніх прэзыдэнцкіх выбараў абвешчаны ў міжнародны вышук. Ён зь сям’ёй пакінуў Беларусь і цяпер жыве ў Латвіі.