«Апошні вайсковы эшалён з вайскоўцамі і тэхнікай Расейскай Фэдэрацыі перасек дзяржаўную мяжу Беларусі. Расейскі кантынгент, які браў удзел у сумесным стратэгічным вучэньні „Захад-2021“ на тэрыторыі нашай краіны, накіраваўся да месцаў дыслякацыі», — гаворыцца ў афіцыйным паведамленьні абароннага ведамства.
ГЛЯДЗІЦЕ ТАКСАМА: Міністар абароны Хрэнін назваў вучэньні «Захад-2021» выразным сігналам «калектыўнаму Захаду»Беларуска-расейскія вучэньні праходзяць раз на два гады і лічацца «завяршальным этапам» сумеснай падрыхтоўкі ўзброеных сіл дзьвюх краін у бягучым годзе.
Сёлета манэўры праходзілі 10–15 верасьня на тэрыторыі Расеі і Беларусі, агулам у іх было задзейнічана каля 200 тысяч вайскоўцаў, блізу 100 самалётаў і верталётаў, звыш 750 адзінак баявой тэхнікі, у тым ліку 290 танкаў, 240 гармат, рэактыўных сыстэм залпавага агню і мінамётаў.
ГЛЯДЗІЦЕ ТАКСАМА: Пагроза поўнамаштабнай агрэсіі з боку Расеі захоўваецца,— галоўнакамандуючы Ўзброенымі сіламі ЎкраіныЗгодна са справаздачай Міністэрства абароны Расеі, прыкладна 2,5 тысячы вайскоўцаў гэтай краіны на час вучэньняў былі перакінутыя ў Беларусь.