Сацыял-дэмакраты набіраюць 25,7% галасоў. Блёк правацэнтрыстаў ХДС/ХСС атрымлівае 24,1% галасоў. Гэтак вынікае з афіцыйных папярэдніх вынікаў, агучаных у ноч на 27 верасьня на сайце старшыні фэдэральнай выбарчай камісіі.
Партыя «Саюз-90/Зялёныя» атрымала 14,8% галасоў, Свабодная дэмакратычная партыя (СвДП) — 11,5%, а правапапулісцкая «Альтэрнатыва для Нямеччыны» — 10,3%.
Партыю «Левыя» падтрымалі 4,9% выбарнікаў. Такім чынам, яна не пераадолела бар’еру для праходжаньня ў Бундэстаг, аднак гэтая палітычная сіла зможа сфармаваць фракцыю ў парлямэнце, раз тры яе прадстаўнікі атрымалі прамыя мандаты ў Бэрліне і Ляйпцыгу.
ГЛЯДЗІЦЕ ТАКСАМА: Мэркель лічыла Беларусь зонай расейскага ўплыву, новы нямецкі ўрад можа гэта зьмяніць, — Аляксандар ФрыдманАбодва галоўныя прэтэндэнты на пасаду канцлера — Оляф Шольц (СДПГ) і Армін Ляшэт (ХДС/ХСС) ужо заявілі пра гатоўнасьць сфармаваць новы ўрад.
Кандыдатка ў канцлеры ад партыі «Саюз-90/Зялёныя» Анналена Бэрбак прызнала памылкі, якія не дазволілі партыі стаць вядучай палітычнай сілай, аднак яна лічыць, што «Зялёныя» «атрымалі ад выбарнікаў мандат на абнаўленьне краіны».
Выніковая яўка на выбарах у Нямеччыне склала 76%, пра гэта сьведчаць прагнозы апытаньня Infratest dimap, паведамляе Deutsche Welle.
ГЛЯДЗІЦЕ ТАКСАМА: Якой будзе новая кіроўная кааліцыя ў Нямеччыне. Тры сцэнары