Як адзначаецца ў дакумэнце, кібэрвойскі плянуецца стварыць у сыстэме Міністэрства абароны Ўкраіны «для абароны сувэрэнітэту дзяржавы, забесьпячэньня абароназдольнасьці, папярэджаньня ўзброенага канфлікту ды супрацьдзеяньня агрэсіі ў кібэрпрасторы».
Плянуецца, што цягам двух месяцаў будзе распрацаваны і накіраваны на разгляд у парлямэнт праект закону аб стварэньні і функцыянаваньні кібэрвойскаў.
ГЛЯДЗІЦЕ ТАКСАМА: Украіна адмовіла ва ўезьдзе тром беларусам, прышчэпленым ад каранавірусу. Чаму?Яшчэ адным указам Уладзімір Зяленскі зацьвердзіў стратэгію кібэрбясьпекі Ўкраіны. У ёй адзначаецца, што адной з галоўных крыніц кібэрпагрозаў зьяўляецца Расейская Фэдэрацыя, якая актыўна рэалізуе інфармацыйнае супрацьстаяньне, заснаванае «на спалучэньні дэструктыўных дзеяньняў у кібэрпрасторы і інфармацынайна-псыхалягічных апэрацый». Паводле ўкраінскай улады, такія дзеяньні «ствараюць рэальныя пагрозы ажыцьцяўленьня актаў кібэртэрарызму і кібэрдывэрсій у дачыненьні да нацыянальнай інфармацыйнай інфраструктуры».
Украінскія спэцыялісты прагназуюць павелічэньне актыўнасьці міждзяржаўнага супрацьстаяньня і выведвальна-дывэрсійнай дзейнасьці ў кібэрпрасторы, і ў першую чаргу з боку Расеі.
ГЛЯДЗІЦЕ ТАКСАМА: «Даводзілася фізычна пракрадацца на аб’екты рэжыму». Кібэрпартызаны расказалі пра сябе ў інтэрвію Свабодзе