У Сьледчым камітэце прыйшлі да высновы, што дзеяньні сілавікоў былі законныя.
«Выбраныя супрацоўнікамі праваахоўных органаў сродкі і спосабы былі сувымерныя, прымяняліся з намерам прычыненьня найменшай шкоды ў тых абставінах», — гаворыцца ў выснове СК.
Сьледчыя заявілі, што не было ні катаваньняў, ні сэксуальнага зьдзеку.
ГЛЯДЗІЦЕ ТАКСАМА: Як выглядаюць людзі, якіх выпусьцілі з ізалятара на АкрэсьцінаУ СК таксама лічаць, што пацярпелыя падавалі звароты пад чыімсьці кіраўніцтвам.
Там адзначылі, што пацярпелыя атрымалі цялесныя пашкоджаньні
- падчас спыненьня праваахоўнікамі масавых беспарадкаў,
- пры затрыманьні, перавозцы і ўтрыманьні пад вартай парушальнікаў,
- пры спыненьні супрацьпраўных паводзінаў, пераадоленьні супраціўленьня і далейшага непадпарадкаваньня,
- а многія — падчас масавых беспарадкаў.
У паведамленьні гаворыцца, што з 9 да 15 жніўня затрымалі каля 2 тысяч чалавек. Звароты пра супрацьпраўныя дзеяньні падалі 680 чалавек.
Дзясяткі зь іх, паводле СК, «намерана і сьвядома парушалі грамадзкі парадак, ствараючы ўсе ўмовы для прымяненьня да іх супрацоўнікамі фізычнай сілы і спэцыяльных сродкаў».
СК сьцьвярджае, што мэтай парушальнікаў быў выезд на палітычны прытулак за мяжу.
Пераважная большасьць заяўнікаў — грамадзяне да 30 гадоў, беспрацоўныя, студэнты і прадпрымальнікі.
У выніку праверкі сьледчыя вырашылі крымінальнай справы не заводзіць.
ГЛЯДЗІЦЕ ТАКСАМА: «Ня толькі сілавікі». Камітэт па расьсьледаваньні катаваньняў у Беларусі падвёў вынікі за год ГЛЯДЗІЦЕ ТАКСАМА: Human Rights Watch у Сусьветнай справаздачы заявіла пра беспрэцэдэнтныя рэпрэсіі ў Беларусі. Асноўныя тэзісы ГЛЯДЗІЦЕ ТАКСАМА: Сьмерць у кайданках. Як год таму ў Гомлі загінуў Аляксандар Віхор. Фільм Свабоды