Пра гэта Сьвятлане Ціханоўскай расказалі на сустрэчы ў Міністэрстве замежных спраў Літвы.
- 834 беларусы атрымалі спэцыяльны дазвол ад міністра ўехаць у Літву праз экстраардынарныя гуманітарныя умовы.
- 206 беларусаў падалі запыт на прыстанішча ў Літве.
Сьвятлана Ціханоўская падзякавала міністру ўнутраных спраў Літвы Агне Білатайце за гуманітарны калідор і выдачу спэцыяльных віз беларусам.
ГЛЯДЗІЦЕ ТАКСАМА: Больш за 1000 у Польшчы, 218 у Літве. Дзе беларусы просяць прытулкуЦіханоўская і Білатайце таксама абмеркавалі сытуацыю зь мігрантамі на мяжы. Ціханоўская падкрэсьліла, што корань праблемы – рэжым, які помсьціць Літве за падтрымку дэмакратыі і правоў чалавека ў Беларусі.
«Былы прэзыдэнт спрабуе ператварыць Беларусь у краіну-ізгой, якая пагражае ўсяму рэгіёну. Гэта трэба спыніць», – заявіла Ціханоўская.
Напярэдадні літоўскія памежнікі разьвярнулі назад у Беларусь 30 мігрантаў. З пачатку году на літоўска-беларускай мяжы затрымалі 4137 нерэгулярных. Літва будуе ўздоўж мяжы агароджу з калючага дроту.
ГЛЯДЗІЦЕ ТАКСАМА: Літва ўзьвядзе 500-кілямэтровую загароду ад Беларусі, а Эўразьвяз гатовы да новых санкцыяў за «мігранцкі крызіс»