Працягваецца міграцыйны крызіс на латвійска-беларускім памежжы. Мігранты з краін Блізкага Ўсходу працягваюць парушаць дзяржаўную мяжу Латвіі.
Латвійскія памежнікі прадухілілі пранікненьне 88 мігрантаў на тэрыторыю краіны, паведамляе Дзяржаўная служба памежнай аховы Латвіі.
З 10 жніўня незаконна перасекчы латвійска-беларускую дзяржаўную мяжу не змаглі 333 чалавекі.
У мінулыя суткі затрыманых за незаконнае перасячэньне дзяржаўнай мяжы не было. Усяго ж сёлета латвійскія памежнікі затрымалі 353 грамадзян трэціх краін, якія незаконна перайшлі дзяржаўную мяжу краіны, выкарыстаўшы Беларусь як транзытную тэрыторыю.
Прэзыдэнт Латвіі Эгілс Левітс 13 жніўня прапанаваў мігрантам з трэціх краінаў, якія незаконна перайшлі мяжу Латвіі з боку Беларусі, прасіць прытулку ў афіцыйнага Менску. Дзеяньні Лукашэнкі ён назваў «гібрыднай вайной супраць Латвіі і Эўразьвязу».
ГЛЯДЗІЦЕ ТАКСАМА: Беларускія памежнікі штурхаюць мігрантаў на тэрыторыю Латвіі, не пускаючы назад у Беларусь. ВІДЭА ГЛЯДЗІЦЕ ТАКСАМА: Як Лукашэнка гандлюе людзьмі на экспарт