«У гэты дзень 13 гадоў таму сілы Расеі ўварваліся ў Грузію, забілі сотні цывільных і прымусілі пакінуць свае дамы яшчэ тысячы. Нават цяпер сілы Расеі акупуюць амаль 20% тэрыторыі Грузіі.
Акупацыя, якая ажыцьцяўляецца Расейскай Фэдэрацыяй, прывяла да трагічных гуманітарных наступстваў, асабліва падчас пандэміі COVID-19. Працяг блякаваньня доступу жыхароў акупаваных тэрыторыі Грузіі да гуманітарнай і мэдычнай дапамогі беспадстаўна абярнулася стратай жыцьцяў і павінен неадкладна спыніцца. Мы заклікаем урад Расеі выканаць пагадненьне аб спыненьні агню са жніўня 2008 года. Мы салідарныя з народам Грузіі і чакаем дня, калі ён ўз’яднаецца », — заявіў Прайс.
У жніўні 2008 года, пачалася вайна паміж Расеяй і Грузіяй у сэпаратысцкіх раёнах Абхазіі і Паўднёвай Асэтыі. Віну за пачатак ваенных дзеяньняў кожны з бакоў перакладае на праціўніка. Пяцідзённая вайна забрала сотні жыцьцяў і пазбавіла прытулку тысячы людзей, да гэтага часу абедзьве тэрыторыі знаходзяцца ў стане замарожанага канфлікту.
ГЛЯДЗІЦЕ ТАКСАМА: Эўрапейскі суд правоў чалавека прыняў рашэньне ў спрэчцы Расеі і Грузіі аб вайне 2008 году ГЛЯДЗІЦЕ ТАКСАМА: Заробак — $150-200. Як жывуць пасьля глыбокай інтэграцыі з Расеяй