Арцёма Хвашчэўскага затрымалі летась 15 жніўня і асудзілі на 1 год калёніі за «групавыя дзеяньні, якія груба парушаюць грамадзкі парадак».
3 жніўня Арцём Хвашчэўскі выйшаў на волю, паведамляюць праваабаронцы.
ГЛЯДЗІЦЕ ТАКСАМА: Футбольнаму трэнэру Арцёму Хвашчэўскаму прысудзілі 1 год калёнііСуд над палітвязьнем адбыўся сёлета 15 студзеня. Справу разглядала судзьдзя Юлія Блізьнюк, дзяржабвінаваўцай выступала Аліна Касьянчык. Да суду Арцём Хвашчэўскі знаходзіўся ў менскім СІЗА № 1, а потым яго перавялі ў сьледчую турму нумар 8 у Жодзіне. Яго прызналі палітвязьнем.
Арцём Хвашчэўскі — футбольны трэнэр, да таго шмат гадоў гуляў у аматарскім футбольным клюбе «Менск Космас». Апошнія дзевяць гадоў жыў у Польшчы, выступаў у Лізе Б-клясу.
ГЛЯДЗІЦЕ ТАКСАМА: У асуджаных палітвязьняў патрабуюць кампэнсацыю за «перакрыцьцё дарог» на пратэстахВучыўся ў AWF Уроцлава, адначасова працаваў трэнэрам у моладзевым футбольным клюбе, а таксама займаўся запісамі і аналізам для польскай нацыянальнай зборнай і камандаў лігі Экстраклясу.