Аб’ём кантрабанды прыкладна такі ж, як і летась, паведамляе Мытная служба Літвы.
На мяжы зь Беларусьсю перахапілі 72% цыгарэт, 22% выяўленыя ўнутры краіны і 6% — на мяжы з Расеяй.
Літоўская мытня адзначае, што сёлета падаражэлі цыгарэты на чорным рынку. Адзін пачак Minsk, Fest або NZ варты 1,9-2 эўра, а летась такі ж пачак каштаваў 1,7 эўра.
Толькі ўчора ў Літве затрымалі чарговую партыю кантрабандных беларускіх цыгарэт на суму звыш 1 млн эўраў. Затрымалі грузавы аўтамабіль, які ўяжджаў у Літву зь Беларусі з 21,5 тоны драўляных панэляў. Прасканаваўшы грузавік, мытнікі выявілі больш за 300 тысяч пачкаў цыгарэт Minsk Capital MS.
ГЛЯДЗІЦЕ ТАКСАМА: У Літве затрымалі чарговую партыю кантрабандных беларускіх цыгарэт на суму звыш 1 млн эўраА ўсяго тры дні таму на гэтым жа пункце мытнікі выявілі партыю беларускіх цыгарэт на амаль 2 млн эўраў.
Тады крымінальная служба мытні паведаміла, што кантрабанду выявілі ў грузавіку Scania, за стырном якога быў грамадзянін Беларусі. Кіроўца дэкляраваў, што вязе транзытам празь Літву ў Польшчу 20,5 тоны драўніны.
Пры дэталёвай праверцы выявіліся схованкі, поўныя цыгарэтаў Minsk Capital MS.
ГЛЯДЗІЦЕ ТАКСАМА: Як «тытунёвыя» санкцыі закрануць беларускую эканоміку ГЛЯДЗІЦЕ ТАКСАМА: Чаму Эўразьвяз увёў санкцыі супраць «тытунёвага караля» Беларусі Алексіна