У адным з раёнаў Менску адбыўся марш пэнсіянэрак з нацыянальнымі бел-чырвона-белымі сьцягамі, лёзунгамі за свабоду Беларусі і патрабаваньнямі вызваленьня палітычных зьняволеных, якіх на 14 чэрвеня ў краіне налічваецца 478 чалавек.
Відэа разьмешчана 14 чэрвеня, але ў подпісе да яго не пазначана, калі менавіта адбыўся марш.
Пра затрыманьні ўдзельніц не паведамляецца. Усе яны былі апранутыя ў белыя майкі з чырвоным надпісам «23.34» — адсылкай на нумар артыкулу за несанкцыянаваныя масавыя акцыі ў старой рэдакцыі Адміністрацыйнага кодэксу.
Студэнты БДУІР вывесілі нацыянальны сьцяг
Таксама стала вядома, што студэнты БДУІРу вывесілі ў інтэрнаце вялізны нацыянальны сьцяг з балькона.
У траўні-чэрвені ў Беларусі, пераважна ў сталіцы краіны, пачасьціліся дваровыя маршы з патрабаваньнем свабоды і за зьмену ўлады.
ГЛЯДЗІЦЕ ТАКСАМА: 275 сутак і 14 500 рублёў. Праваабаронцы падлічылі пакараньні актывістам у дварах за першы тыдзень чэрвеня ГЛЯДЗІЦЕ ТАКСАМА: Андрэй Ягораў: рэвалюцыя ня скончылася, працяг — у межах двух гадоў