Апэляцыя была на абвінаваўчы прысуд, вынесены Младзічу ў 2017 годзе за яго дачыненьне да генацыду, ваенных злачынстваў і злачынстваў супраць чалавечнасьці ў басьнійскай вайне (1992-1995).
Слуханьні ў апэляцыйным працэсе пачаліся 25 жніўня 2020 году. Младзіч, які лічыць сябе невінаватым, дамагаўся апраўданьня.
ГЛЯДЗІЦЕ ТАКСАМА: 25 гадоў таму адбылося найвялікшае масавае забойства ў Эўропе пасьля ІІ сусьветнай вайныРатка Младзіч быў асуджаны на пажыцьцёвае зьняволеньне за ўчыненую на ягоны загад масавую расправу над тысячамі басьнійскіх мужчын і хлопцаў. 11 ліпеня 1995 году, пасьля ўзяцьця басьнійскімі сэрбамі мусульманскага анкляву Срэбраніца, падначаленыя Младзічу атрады забілі каля 8 тысяч басьнійскіх мусульманаў.
У абвінавачаньні таксама сказана пра тысячы ахвяраў аблогі Сараева, якая доўжылася 44 месяцы, зьдзекі зь людзей у лягерах для інтэрнаваных, тэрор у дачыненьні да харватаў і мусульманаў у басьнійскіх паселішчах, узяцьце ў закладнікі салдатаў-міратворцаў ААН.
ГЛЯДЗІЦЕ ТАКСАМА: Гааскі трыбунал засудзіў Ратку Младзіча за генацыд да пажыцьцёвага зьняволеньняПасля завяршэньня ў 1995 годзе вайны ў Босьніі і Герцагавіне Ратка Младзіч доўга хаваўся і быў арыштаваны ў Сэрбіі ў 2011 годзе.
Самымі высокапастаўленымі абвінавачанымі Міжнародным трыбуналам для былой Югаславіі сталі экс-прэзыдэнт Югаславіі Слобадан Мілошавіч і былы прэзідэнт Рэспублікі Сэрбскай (РС) у Босьніі і Герцагавіне (БіГ) Радаван Караджыч.
ГЛЯДЗІЦЕ ТАКСАМА: 161 абвінавачаны, хованкі, самагубства — трыбунал па былой Югаславіі завяршае працуМіжнародны трыбунал ААН для былой Югаславіі абвінаваціў агулам 161 чалавека. Апошнім арыштаваным на ордэр трыбуналу стаў Горан Хаджыч, затрыманы 20 ліпеня 2011 году.