Сёньня ў 18 гадзін у Літоўскай опэры ў Вільні адбудзецца канцэрт у падтрымку беларускіх палітвязьняў.
Пра гэта паведамляе Тэлеграм-канал BY_culture.
У канцэрце бяруць удзел вядомая беларуская опэрная сьпявачка Маргарыта Ляўчук і вядучыя артысты тэатру опэры Літвы.
Жывая трансьляцыя канцэрту будзе на старонцы тэатру ў Фэйсбуку і на Ютуб-канале тэатру.
Партнэрамі канцэрту выступілі Офіс Сьвятланы Ціханоўскай, Беларускі фонд культурнай салідарнасьці, Фонд салідарнасьці Bysol, Фонд «Краіна для Жыцьця», Тэлеграм-канал BY_culture.
ГЛЯДЗІЦЕ ТАКСАМА: Дуэт Ляўчук і Павука павіншаваў палітзьняволеную Марыю Калесьнікаву з Днём нараджэньня. ВІДЭА