Літоўскі бок запатрабаваў неадкладна вызваліць Рамана Пратасевіча, Сафію Сапегу і іншых палітычных зьняволеных і незаконна затрыманых.
Літва высылае двух беларускіх дыпляматаў з прычыны іх дзеяньняў, «несумяшчальных з дыпляматычным статусам», і ў знак салідарнасьці з Латвіяй. Яны павінны пакінуць краіну на працягу 7 дзён, паведамляе МЗС Літвы, якое цытуе сайт Delfi.lt.
Міністар замежных спраў Літоўскай Рэспублікі Габрыелюс Ландсбергіс напісаў, што гэтыя дыпляматы — супрацоўнікі выведкі.
Two BY intelligence officers working under the diplomatic cover were asked to leave Lithuania. No thank you and goodbye.
— Gabrielius Landsbergis (@GLandsbergis) May 28, 2021
Прадстаўніку амбасады Беларусі таксама быў выказаны пратэст супраць працягу ў краіне рэпрэсій у дачыненьні да беларускай грамадзянскай супольнасьці і незалежных СМІ.
У адказ Беларусь абвясьціла пэрсонамі нон грата двух літоўскіх дыпляматаў, паведаміла БелТА.
ГЛЯДЗІЦЕ ТАКСАМА: «У вас бомба». Беларуская афіцыйная вэрсія перамоваў зь пілётамі самалёта Ryanair: больш пытаньняў, чым адказаў ГЛЯДЗІЦЕ ТАКСАМА: Наўседа: Літва прапануе «вельмі сур’ёзныя» санкцыі ў дачыненьні да Беларусі