Клонамі сайту рэдакцыя спрабавала застацца даступнай для чытачоў у Беларусі.
Міністэрства інфармацыі Беларусі заблякавала дамэнт samisebyazablochte.com, пад якім выходзіў папулярны рэсурс kyky.org.
Перад гэтым былі заблякаваныя дзесяць дамэнаў:
- kyky.org
- kyky.media
- omon.wtf
- mininform.lol
- massandry.net
- kykyold.org
- sabachka.help
- peresident.run
- nachesy.country
- netetabletki.rip
Рэдакцыя на гэтым вырашыла спыніць закуп новых дамэнаў, адмовіцца ад «люстэркаў» сайту і працягвае працаваць на сваім арыгінальным дамене, спадзяючыся, што яго будуць чытаць праз VPN, а таксама ў тэлеграме і інстаграме.
21 жніўня 2020 году ў Беларусі заблякавалі больш як 70 інфармацыйных сайтаў, сярод іх:
- сайты СМІ («Радыё Свабода», «Трыбуна», «Еўрарадыё», «Белсат», Udf.by, «Салідарнасць», The Village, «Віцебскі кур'ер», «Машэка», «Віртуальны Брэст», «Народныя навіны Віцебска», 015.by і інш.),
- грамадзкіх рухаў і ініцыятываў («Беларуская асацыяцыя журналістаў», «ЕўраБеларусь», «Сумленныя Людзі»),
- пазбаўлены рэгістрацыі праваабарончы цэнтар «Вясна»,
- плятформы «Голас» і «Зубр» і інш.; палітычных рухаў («Гавары праўду», «Грамада», БХД, «За свабоду»),
- сайты палітыкаў Мікалая Статкевіча, Валерыя Цапкалы, Віктара Бабарыкі і г.д.
У канцы сакавіка 2021 году ўлады таксама спрасьцілі працэдуру блякаваньня «люстэрак» сайтаў. Цяпер Мінінфарм можа іх закрываць доступ да іх па меры выяўленьня. Так, днямі заблякавалі люстэрка «Белсату» blstv.eu.
ГЛЯДЗІЦЕ ТАКСАМА: Што рабіць, калі заблякуюць ваш любімы сайт ГЛЯДЗІЦЕ ТАКСАМА: Беларусь назвалі самай небясьпечнай для журналістаў краінай Эўропы