У Менску сілавікі затрымалі журналістку Тацяну Капітонаву. Яна здымала ў каворкінгу Startup Family канфэрэнцыю Emerge.
Прысутныя на канфэрэнцыі адзначаюць, што міліцыянты мэтанакіравана прыйшлі менавіта па журналістку. Яе павезьлі ў Савецкае РУУС Менску.
ГЛЯДЗІЦЕ ТАКСАМА: Журналісты Буракоў і Лапцэвіч абвясьцілі галадоўку ў магілёўскім ізалятары. Міліцыя абвяргаеУ Савецкім РАУС Беларускай асацыяцыі журналістаў пацьвердзілі, што журалістка Тацяна Капітонава затрыманая да суду паводле адміністрацыйнай справы. У чым яе вінавацяць, міліцыя ня кажа.
З РАУС журналістку адвязуць на Акрэсьціна. Суд пройдзе заўтра.
Такім чынам за кратамі ў Беларусі цяпер 15 прадстаўнікоў мэдыя.
Тацяна Капітонава была аглушаная сьвятлашумавой гранатай падчас разгону дэманстрантаў на станцыі мэтро «Пушкінская» 10 жніўня. Фотакарэспандэнтка супрацоўнічала з тэлеканалам «Белсат».