43-гадовага прадпрымальніка Міхаіла Юдзіна ў сакавіку асудзілі на 4 гады калёніі за тое, што летась восеньню падчас акцыі пратэсту ён спрабаваў адбіць дзяўчыну ў амапаўца.
Дома яго чакаюць двое дзяцей і жонка Валерыя (яны жылі разам 15 гадоў, але не афармлялі адносіны). Праз адсутнасьць штампа ў пашпарце яна ня мела права на спатканьні і перадачы. Цяпер Міхаіл і Валерыя афіцыйна ўзялі шлюб. Цырымонія прайшла 5 траўня. Павіншаваць Валерыю да турмы прыйшлі сваякі і сябры, паведаміла «Эўрарадыё».
Міхаіла Юдзіна прызналі вінаватым у гвалце супраць сілавіка. 27 верасьня, паводле абвінвачаньня, Юдзін ударыў міліцыянта. На судзе Юдзін сказаў, што ішоў з жанчынай у кіно і пабачыў, як людзі ў чорнай вопратцы цягнуць чалавека. Пасьля пытаньня «Што вы робіце?» яму пырснулі газам у твар, заламалі рукі і пацягнулі ў аўтазак. Сваёй віны ён не прызнаў. Асудзілі яго 30 сакавіка.
ГЛЯДЗІЦЕ ТАКСАМА: Палітвязень Віктар Панцялееў узяў шлюб у берасьцейскім СІЗА. ФОТАГЛЯДЗІЦЕ ТАКСАМА: «Адзін з найлепшых дзён у жыцьці». Як палітвязень Сьвятаслаў Герасімук узяў шлюб у СІЗА