24 красавіка ўвечары міліцыя затрымала 13 жанчын і 7 мужчын за «несанкцыянаваную акцыю» ў жодзінскай лазьні. Сярод затрыманых была Іна Чыжонак. Разам з мужам яна выхоўвае 12-гадовага прыёмнага сына Руслана.
ГЛЯДЗІЦЕ ТАКСАМА: У Жодзіне затрымалі 20 чалавек за «выкарыстаньне пратэставай сымболікі»4 траўня прадстаўнікі аддзелу адукацыі прапанавалі сям’і падпісацца пад скасаваньнем дамовы на прыёмнае бацькоўства. Пара хвалюецца, што ў іх могуць забраць дзіця. Сайт Rebenok.by высьветліў падрабязнасьці.
4 траўня ўвечары Іна Чыжонак напісала ў Фэйсбуку эмацыйны пост пра магчымую прымусовую разлуку з сынам:
«У мяне хочуць забраць дзіця. Майго прыёмнага сыночка, майго любімку і сьвятло ў маім жыцьці. 10 гадоў мы неразлучна разам [...] Бясконца горка ўсьведамляць, што дзеці зьяўляюцца інструмэнтам і цацкай маніпуляцый дарослых дзядзечак і цётачак. У аддзеле адукацыі нам паведамілі, што ў дачыненьні да нашай сямʼі паступіў сыгнал аб кепскім стаўленьні да дзіцяці і Руслану падбіраюць іншую сямʼю. Ну, вы ж разумееце...»
Жанчына расказала сайту Rebenok.by, што 25-га красавіка яна была сярод тых, каго затрымалі ў саўне сілавікі.
ГЛЯДЗІЦЕ ТАКСАМА: Суд за «несанкцыянаваную акцыю» ў жодзінскай лазьні перанесьлі, сказалі чакаць новай позвыСуд над Інай пройдзе 6 траўня. Як і іншых удзельнікаў сустрэчы, яе абвінавачваюць ва «ўдзеле ў несанкцыянаваным мерапрыемстве». Сама яна гэта адмаўляе і кажа, што ў той дзень проста сустракалася са знаёмымі, а БЧБ-сьцяг у саўне міліцыя расклала сама.
Гэтая гісторыя не засталася незаўважанай у гарвыканкаме. Па словах Іны Чыжонак, яе муж Сяргей учора прыйшоў на працу, дзе яго ўжо чакала прадстаўніца аддзелу адукацыі.
«Яна паказала мужу паперу: «Вось расьпішыцеся, мы скасоўваем з вамі дамову аб прыёмным бацькоўстве». Мой муж ІП, а таксама аформлены як бацька-выхавацель, гэта значыць, яму сказалі, што яго звальняюць. І там жа заявілі, што рыхтуецца пастанова аб адабраньні дзіцяці — яму шукаюць іншую сямʼю. «І вы ўжо нічога ня зробіце, таму што няма чаго хадзіць туды, куды ня трэба», — сказалі мужу. Ён адказаў, што нічога падпісваць ня будзе.
ГЛЯДЗІЦЕ ТАКСАМА: Дачку фігурантаў «пінскай справы» зьмясьцілі ў дзіцячы прытулак. Яе маці напісала ў судзе: «Я павешуся»У сьнежні мінулага году Іну затрымалі за БЧБ-парасон і асудзілі па арт. 23.34 КаАП. Потым мужа Іны выклікалі ў аддзел адукацыі. Там сямʼю папярэдзілі, што нельга ўдзельнічаць ні ў якіх несанкцыянаваных мерапрыемствах, мітынгах.
Пасьля ранішняй сустрэчы з прадстаўніком аддзелу адукацыі Іна напісала заяву начальніку аддзелу адукацыі, а яе муж паехаў з дакумэнтам у гарвыканкам. Аднак з начальнікам аддзелу Сяргей не сустрэўся, бо той у адпачынку. Пагаварыў толькі зь яго намесьнікам.
«Гадзіны дзьве размаўляў, расказваў пра дзяцей (у сямʼі трое прыёмных дзяцей, але старэйшыя ўжо дарослыя, ім 17 і 20 гадоў), зь якімі цяжкасьцямі мы сутыкаліся, што Руслан вельмі да нас прывязаны. Спэцыяліст ставілася да нас вельмі прыхільна, але патлумачыла, што да іх паступіў сыгнал пра нелады ў нашай сямʼі і кепскае стаўленьне да дзіцяці. Нам сказалі, што 5 траўня пройдзе нарада ў пашыраным складзе ў выканкаме. Калі там прымуць рашэньне адабраць дзіця, то аддзел адукацыі будзе вымушаны падпарадкавацца».
ГЛЯДЗІЦЕ ТАКСАМА: Жыхару Магілёва прыгразілі, што забяруць дачку, калі ўбачаць яе на пратэставых акцыяхRebenok.by спрабаваў зьвязацца з кіраўніцтвам аддзелу адукацыі ў Жодзінскім выканкаме. Аднак там адказалі, што намесьнік начальніка, а таксама спэцыяліст аддзелу па ахове дзяцінства знаходзяцца на нарадзе.
Тым часам Іна і Сяргей Чыжонкі пачалі зьбіраць подпісы ў абарону сваёй сямʼі. Іна кажа, што Руслана яны ўзялі зь дзіцячага дому 3-гадовым. Цяпер Руслану 12 гадоў, ён вучыцца ў 6-й клясе. Любіць хадзіць у школьны цір, на валейбол, займаецца футболам. Пра сытуацыю зь ціскам на сямʼю хлопец ведае, але ўжо папярэдзіў бацькоў, што «ўцячэ зь любога месца, калі яго забяруць».