Згодна зь інфармацыяй Фэдэральнай мытнай службы Расеі ў васьмі фурах выявілі больш за 172 тоны груш, памэла і яблыкаў.
Пры праверцы кіроўцы не прад’явілі ўсіх неабходных для перавозкі дакумэнтаў.
«Этыкеткі на скрынях паказвалі на паходжаньне садавіны з краін, уключаных у санкцыйны сьпіс. Супрацоўнікамі Бранскай мытні завялі сем спраў паводле арт. 16.3 КаАП РФ (невыкананьне забарон і абмежаваньняў пры ўвозе тавараў)», — паведамілі ў ФМС.
Раней расейская служба вэтэрынарнага і фітасанітарнага нагляду заяўляла, што практычна ўся санкцыйная прадукцыя нелегальна трапляла ў Расею з тэрыторыі Беларусі.
ГЛЯДЗІЦЕ ТАКСАМА: Сьледзтва: магілёўскія мытнікі прапускалі ў Расею санкцыйныя тавары за хабарЗ моманту ўвядзеньня санкцый у Расею рэзка вырас экспарт зь Беларусі мідыяў, крэвэтак, ківі і іншай харчовай прадукцыі, якая тут традыцыйна не выраблялася.
ГЛЯДЗІЦЕ ТАКСАМА: Спынілі легальны транзыт садавіны і гародніны празь Беларусь у Расею