Калегія па крымінальных справах Вярхоўнага суду пакінула апэляцыйную скаргу асуджанага да сьмяротнага пакараньня Віктара Скрундзіка без задавальненьня, паведамляе «Вясна».
Год таму Менскі абласны суд прысудзіў Віктару Скрундзіку сьмяротнае пакараньне, Валянціну Бушніну — 18 гадоў пазбаўленьня волі, Віталю Мяцежу — 22 гады, Сяргею Захарчанку — 1 год папраўчых работ з утрыманьнем 10% заробку. Іх судзілі па 4 эпізодах: за два забойствы пэнсіянэраў, адну спробу забойства, а таксама крадзеж бэнзакасілкі ў лістападзе 2018 году.
ГЛЯДЗІЦЕ ТАКСАМА: Вынесьлі першы сёлетні сьмяротны прысудПрысуд быў абскарджаны: калегія Вярхоўнага суду першы раз задаволіла апэляцыйную скаргу і адмяніла сьмяротны прысуд Віктару Скрундзіку. Справу вярнулі на новы разгляд у Менскі абласны суд, які і ў другі раз вынес аналягічнае рашэньне.
Днямі стала вядома пра памілаваньне 19-гадовага Станіслава і 21-гадовага Ільлі Косьцевых, якіх прыгаварылі да расстрэлу за забойства настаўніцы: за ўсю гісторыю незалежнай Беларусі гэта ўсяго другі вядомы выпадак памілаваньня асуджаных да сьмяротнага пакараньня.
ГЛЯДЗІЦЕ ТАКСАМА: Хто такія браты Косьцевы, якіх памілаваў Лукашэнка ГЛЯДЗІЦЕ ТАКСАМА: У Радзе Эўропы спадзяюцца, што памілаваньне Косьцевых стане крокам да адмены сьмяротнага пакараньня ў Беларусі