Хоць зь юрыдычнага гледзішча дамова яшчэ дзейнічае, Тацяна Нядбай сказала ў камэнтары парталу Tut.by, што неўзабаве забярэ кнігі. Наклад ужо разышоўся, сябры даўно шукаюць лішнія асобнікі.
ГЛЯДЗІЦЕ ТАКСАМА: «Адразу згадваюцца часы інквізыцыі». Што адбываецца вакол кнігі «Беларуская нацыянальная ідэя»?Кнігу «Тэорыі літаратуры ХХ стагодзьдзя» напісалі Ганна Бужыньска і Міхал Маркоўскі, а Тацяна Нядбай зрабіла пераклад з польскай мовы на беларускую. Выданьне зьявілася ў 2017-м, а праз год была заключана дамова зь «Белкнігай» на яго рэалізацыю.
Нягледзячы на тое, што пагадненьне дзейнічае да канца гэтага году, Тацяна Нядбай атрымала ліст за подпісам генэральнага дырэктара «Белкнігі» Аляксандра Вашкевіча, у якім адзначалася: дамова ня будзе працягнутая, а нерэалізаваную прадукцыю здымуць з продажу. Да ліста быў прыкладзены набраны на кампутары ліст бяз подпісу з просьбай «тэрмінова» забраць кнігу з крамы.
ГЛЯДЗІЦЕ ТАКСАМА: «Краіны, якую мы ведалі, больш не існуе», — Віктар Марціновіч«Белкніга» і раней вяртала недзяржаўным выдавецтвам нерэалізаваныя асобнікі, аднак аўтараў не абавязвалі рабіць гэта ў сьпешным парадку.