Як паведамляе ТАСС, пра гэта заявіў сёньня прэм’ер Расеі Міхаіл Мішусьцін на ўрадавай нарадзе. Паводле яго, пастаўкі на чвэрць перавышаюць заплянаваныя.
У пачатку году Аляксандар Лукашэнка заявіў, што Беларусь у адказ на санкцыі і палітыку Літвы спыніць экспарт нафтапрадуктаў празь літоўскія порты і перанакіруе пастаўкі на расейскія порты.
ГЛЯДЗІЦЕ ТАКСАМА: Міністар транспарту Літвы: рашэньне Менска вазіць нафтапрадукты праз парты Расеі — нявыгаднае для Беларусі5 сакавіка гэтыя пастаўкі праз Расею пачаліся. Напрыканцы лютага 2021 году міністры транспарту Беларусі і Расеі падпісалі пагадненьне аб перавалцы 9,8 мільёнаў тон грузаў праз расейскія парты на працягу трох гадоў.
ГЛЯДЗІЦЕ ТАКСАМА: Беларусь спыніла дамову на рэгулярныя перавозкі нафтапрадуктаў ў порт Клайпэды. Гэтым Літве пагражаў ЛукашэнкаУ 2020 годзе літоўская транспартная кампанія LTG Cargo перавезла 2 мільёны тонаў грузаў «Беларускай нафтавай кампаніі» (БНК) — нафты і нафтапрадуктаў, для экспарту праз Клайпедзкі порт.
Пры гэтым у цэлым беларускі экспарт нафтапрадуктаў у 2020 году ў цэнавым вымярэньні зьнізіўся ўдвая ў параўнаньні з 2019 годам.
ГЛЯДЗІЦЕ ТАКСАМА: За год экспарт нафтапрадуктаў упаў удвая, калійных угнаеньняў — на 12%