23 сакавіка заяўнікі Дня Волі атрымалі адмову ад менскіх уладаў на правядзеньне шэсьця і мітынгу ў гонар 103-й гадавіны абвяшчэньня незалежнасьці Беларускай Народнай Рэспублікі. Сярод аргумэнтаў названыя пандэмія каранавірусу, небясьпечны маршрут і заклікі з боку экстрэмісцкіх каналаў.
ГЛЯДЗІЦЕ ТАКСАМА: Улады адмовілі заяўнікам сьвяткаваньня Дня Волі ў МенскуУ сваю чаргу начальнік ГУУС Менгарвыканкаму Міхаіл Грыб падчас сустрэчы з прадстаўнікамі дзяржаўных СМІ заклікаў менчукоў «устрымацца ад удзелу ў акцыях».
«Пры вывучэньні інфармацыйных рэсурсаў мы атрымліваем інфармацыю аб закліках у розных Telegram-каналах да ўдзелу 25 сакавіка ў несанкцыянаваных акцыях на тэрыторыі сталіцы. Асноўная мэта правакатараў — дэстабілізацыя абстаноўкі ў горадзе, ініцыяваньне сутыкненьняў з супрацоўнікамі міліцыі», — адзначыў міліцэйскі начальнік.
ГЛЯДЗІЦЕ ТАКСАМА: Менскія камунальнікі і міліцыя адмовіліся заключаць дамовы з арганізатарамі Дня ВоліЁн запэўніў, што сілавыя падразьдзяленьні і іншыя службы задзейнічаюць усе неабходныя меры «для падтрыманьня парадку».
Паводле інфармацыі ад жыхароў, якія публікуе тэлеграм-канал «МотолькоПомоги», старшыня Менгарвыканкаму Ўладзімер Кухараў загадаў камунальным службам расставіць агароджу ў цэнтральнай частцы гораду.