Як адзначаюць стваральнікі ў прадмове, частка каманды Freeman і студыі Toonbox жыве і працуе ў Беларусі. А таму ўважліва сочыць за тым, што адбываецца ў краіне, і падтрымлівае свабоду слова, свабоду сходаў, сумленныя выбары і іншыя «простыя чалавечыя свабоды».
Стваральнікі праекту адзначаюць, што ім вельмі балюча глядзець на тое, што адбываецца ў «небагатай, але надзіва стойкай краіне». Падзеі ў Беларусі ў апошнія месяцы яны назвалі «бессаромнай узурпацыяй улады на крыві...»
Mr. Freeman (англ. «Спадар Свабодны Чалавек») — анімацыйны пэрсанаж і аднайменны вэб-сэрыял, які зьявіўся на YouTube ў верасьні 2009 году і заваяваў значную папулярнасьць у расейскамоўным сэгмэнце інтэрнэту, у тым ліку сярод беларускіх карыстальнікаў.
Праект мае 1,45 млн падпісчыкаў. У кадры Mr. Freeman прамаўляе маналёгі, якія крытыкуюць лад жыцьця сучаснага абываталя. Пэрсанажа агучвае актор Вадзім Дземчаг, над стварэньнем сэрыялу працуе адмысловая творчая група.
ГЛЯДЗІЦЕ ТАКСАМА: Стваральнікі анімацыйнага пэрсанажа «Mr.Freeman» абвінавацілі Расею ў падаграваньні нянавісьці да беларускага пратэсту ГЛЯДЗІЦЕ ТАКСАМА: «Брутальная рэальнасьць рэжыму, які падтрымліваецца Крамлём». CNN апублікавала расьсьледаваньне аб гвалце і беззаконьні ў Беларусі