«Яшчэ адзін доказ масавых звальненьняў па „сьпісах“ з Камітэту дзяржбясьпекі, — піша тэлеграм-канал «МотолькоПомоги». 9 сакавіка з індустрыяльнага парку „Вялікі камень“ звольнены Ігар Ляшчонак. Не апошні чалавек. Самае важнае, што звальненьне ўзгаднялася з прэм’ер-міністрам Раманам Галоўчанкам. А пра патрабаваньне КДБ ён сам напісаў у сваёй заяве».
Што стала падставай для звальненьня, былы топ-мэнэджар не ўдакладняе. Свае палітычныя погляды ў часе прэзыдэнцкай кампаніі публічна ён не агучваў.
ГЛЯДЗІЦЕ ТАКСАМА: Як у парку «Вялікі камень» адзначылі 70-годзьдзе ўтварэньня КНР. ФотаКітайска-беларускі індустрыяльны парк «Вялікі камень» створаны ў адпаведнасьці з прэзыдэнцкім указам ад 5 чэрвеня 2012 году. Мае статус асобнай тэрытарыяльнай адзінкі са спэцыяльным прававым рэжымам на 50 гадоў. Знаходзіцца ў Смалявіцкім раёне, агульная плошча перавышае 100 квадратных кілямэтраў.
Канцэпцыя індустрыяльнага парку — стварэньне новага «экагорада», у якім спалучаецца вытворчая, жылая, адміністрацыйная інфраструктура.
Рэзыдэнтамі зьяўляюцца прыкладна паўсотні кампаній, большая частка з кітайскім капіталам.