Да гэтага розныя людзі неаднаразова прыяжджалі фатаграфаваць дом актывістаў у вёсцы Перасецы Рагачоўскага раёну, над якім да 21 лютага лунаў нацыянальны сьцяг.
Паведамленьне пра зьнікненьне сьцягоў апублікавала ў сваім фэйсбуку Аліна Нагорная.
«Ігар пайшоў па дровы, а сьцягоў няма. Яшчэ ўдзень у нас луналі 2 сьцягі, адзін каля ўваходу на падворак і адзін на падворку, які быў відаць з Р43 і таму раздражняў розных прыхадняў. Гэта яго ўвесь час прыяжджалі фоткаць».
Сьцяг на хаце Аліны і Ігара вісеў з траўня 2019 году. Апошнім часам да актывістаў прыяжджалі прадстаўнікі мясцовых уладаў, таксама да іх грукаліся міліцыянты, але іх не ўпусьцілі.
ГЛЯДЗІЦЕ ТАКСАМА: З дома мастака Алеся Пушкіна скінулі бел-чырвона-белы сьцяг, які вісеў 24 гады. ВІДЭА ГЛЯДЗІЦЕ ТАКСАМА: «Могуць абразіць і нават пабіць». Рыхтуецца кніга са 100 гісторыямі дыскрымінацыі за беларускую мову