Аляксандар Паўлавіч, бацька Марыі Калесьнікавай і Тацяны Хоміч, цяпер адзін — паўтара года таму памерла жонка. Старэйшая дачка ў турме, малодшая вымушана пакінула Беларусь.
Мужчына ў шчыльным кантакце з адвакатам і сяброўкамі дачок дбае пра тое, каб у Марыі ў турме было ўсё неабходнае: ад ежы да яе фірмовай чырвонай памады.
Кожны ліст ці паштоўка ад Машы — сьвята для Аляксандра Паўлавіча, ён носіць іх з сабой у тэчцы. Кажа, што Марыя таксама вельмі акуратна ставіцца да перапіскі: падчас нядаўняга пераезду з жодзінскай турмы № 8 у СІЗА-1 Менску ўзяла з сабой увесь архіў перапіскі, ахвяраваўшы тэлевізарам.
ГЛЯДЗІЦЕ ТАКСАМА: «Акт палітычнай расправы». Марыя Калесьнікава патрабуе ад генпракурора спыніць яе крымінальныя справыАляксандар Калесьнікаў расказаў, што цяпер, калі Марыя ў зьняволеньні, на міжнароднай арэне яе прадстаўляе малодшая дачка — Тацяна. Марыя перадала ёй права весьці сацыяльныя сеткі, атрымліваць узнагароды і выступаць ад свайго імя.