Аляксандар Дабравольскі паведаміў, што бліжэйшым часам у Літве яны пададуць тры справы, інфармуе прэс-служба Сьвятланы Ціханоўскай. Па адным пацярпелая — грамадзянка Літвы беларускага паходжаньня. Яшчэ дзьве справы — па заявах беларусаў, якія зазналі катаваньні.
«Усе, хто стаў ахвярай дзеяньняў гвалтоўнага характару, могуць падаваць дакумэнты ў літоўскую паліцыю — справы будуць расьсьледавацца. Зараз у Літве і іншых краінах шмат беларусаў, якім давялося пакінуць радзіму пасьля катаваньняў і перасьледу. Яны павінны ведаць, што ў іх ёсьць магчымасьць дамагчыся правасудзьдзя».
У Польшчы падрыхтавалі 10 справаў. Паралельна праходзяць расьсьледаваньні па катаваньнях у дачыненьні да грамадзян Польшчы, якія апынуліся ў Беларусі падчас пратэстаў. Сьведкамі праходзяць грамадзяне Беларусі, але яны могуць стаць і пацярпелымі.
У Чэхіі да падачы падрыхтавалі яшчэ 10 справаў. Пацярпелымі выступаюць беларусы, якія праходзілі ў Чэхіі рэабілітацыю пасьля катаваньняў сілавікамі на радзіме.
ГЛЯДЗІЦЕ ТАКСАМА:
Генпракуратура Літвы пачала дасудовае рассьледаваньне аб гвалце міліцыі ў МенскуНад зборам і падрыхтоўкай спраў працуе ініцыятыва BYPol. Яе супрацоўнікі рыхтуюць дакумэнты, правяраюць паказаньні і праводзяць папярэднюю праверку па фактах. Раней у Літве завялі першую справу ўнівэрсальнай юрысдыкцыі за зьбіцьцё прадпрымальніка зь Менску Максіма Харошына.
ГЛЯДЗІЦЕ ТАКСАМА:
«Адзіная кніга рэгістрацыі злачынстваў» разглядае 294 заявы супраць беларускіх сілавікоўГЛЯДЗІЦЕ ТАКСАМА:
Кіраўніцтва спраў Лукашэнкі заблякавала замежную дапамогу пацярпелым ад гвалту сілавікоўГЛЯДЗІЦЕ ТАКСАМА:
Ці могуць у іншых краінах завесьці справы на беларускіх сілавікоў. Тлумачыць адвакатГЛЯДЗІЦЕ ТАКСАМА:
«Для мяне ўсе беларусы — у небясьпецы», — пацярпелы ад катаваньняў сілавікоў грамадзянін Ізраілю