Аварыя на цеплатрасе раніцай 19 студзеня пазбавіла гарачай вады цэлыя кварталы жылых дамоў, дзіцячыя садкі і школу. Пазьней праблему ліквідавалі.
Сыстэма цеплазабесьпячэньня ў Жлобіне ня вытрымала выпрабаваньня вялікімі маразамі. Раніцай праз аварыю на цеплатрасе паўгорада засталося без цяпла і гарачай вады, паведаміў Tut.by.
Мясцовыя ратавальныя службы расказалі, што а 4-й раніцы адбыўся прарыў на трубаправодзе цеплатрасы дыямэтрам у 500 мм. Усяго без гарачай вады і ацяпленьня засталіся 86 шматкватэрных жылых дамоў, 3 дзіцячыя садкі і школа.
Работы для ліквідацыі праблемы пачаліся неадкладна і трывалі некалькі гадзін. Сайт жыльлёвага прадпрыемства «Уником» паведаміў, што цеплазабесьпячэньне ў Жлобіне цалкам аднавілася.
ГЛЯДЗІЦЕ ТАКСАМА: Халадней за ўсё было ў Слуцку. 17 студзеня маразы абнавілі адразу 5 тэмпэратурных рэкордаў у Беларусі ГЛЯДЗІЦЕ ТАКСАМА: Надвор’е ў Беларусі: на Вадохрышча яшчэ марозна, а пасьля прагназуюць пацяпленьне