Леанід Судаленка пакінуў праваабаронцам ліст з пазнакай «Апублікаваць пасьля арышту», паведаміла «Гомельская вясна». Яго затрымалі 18 студзеня ў межах крымінальнай справы паводле арт. 342 КК РБ (Групавыя дзеянні, якія груба парушаюць грамадзкі парадак).
У лісьце ён зьвязвае сваё затрыманьне з тым, што ён дапамагаў ахвярам рэпрэсій.
Ён паведаміў, што 5 студзеня ў яго дома і ў офісе правялі ператрусы і забралі тэхніку, банкаўскія карткі і зьвесткі пра больш як 200 рэпрэсаваных удзельнікаў мірных акцый пратэстаў 2020 году.
12 студзеня за аналягічную дапамогу ахвярам рэпрэсій арыштавалі журналіста Андрэя Аляксандрава.
«Пачынаючы зь леташняга жніўня, я таксама аплачваў штрафы, рахункі за харчаваньне ў ІЧУ і ў некаторых выпадках дзяржаўнае мыта рэпрэсаваным удзельнікам пратэставых акцый. Як спэцыяліст у галіне права, я ніколькі не сумняваўся ў правамернасьці такой дапамогі і не сумняваюся сёньня», – напісаў Судаленка.
Ён таксама адзначыў, што ўзяцьце яго пад варту супярэчыць закону.
ГЛЯДЗІЦЕ ТАКСАМА: У Гомлі затрымалі правабаронцу Леаніда Судаленку ГЛЯДЗІЦЕ ТАКСАМА: «Найбольш іх цікавіла наша матэрыяльная дапамога людзям». Праваабаронца пра ператрусы ў Гомлі ГЛЯДЗІЦЕ ТАКСАМА: З затрыманым журналістам Андрэем Аляксандравым на Акрэсьціна сустрэлася адвакатка