14 студзеня павераны ў справах ЗША Джэфры Джук сустрэўся з намесьнікам міністра замежных спраў Беларусі Сяргеем Алейнікам, паведаміла пасольства ЗША.
Спадар Алейнік нядаўна быў прызначаны адказным за стасункі са Злучанымі Штатамі з боку МЗС.
На сустрэчы Джэфры Джук выказаў занепакоенасьць сытуацыяй з правамі чалавека ў Беларусі. Ён падкрэсьліў неабходнасьць вызваленьня былога намесьніка дырэктара агенцтва БелаПАН Андрэя Аляксандрава і ўсіх астатніх палітычных вязьняў, паколькі гэта пытаньне мае крытычна важнае значэньне для будучыні двухбаковых адносін Беларусі і ЗША.
Андрэя Аляксандрава і яго дзяўчыну Ірыну Злобіну затрымалі 13 студзеня. Іх падазраюць у арганізацыі і падрыхтоўцы дзеяньняў, якія груба парушаюць грамадзкі парадак.
У Беларусі 182 палітычныя вязьні.
З патрабаваньнем вызваліць Андрэя Аляксандрава высупілі таксама «Рэпартэры бязь межаў».
#Belarus: @belapan journalist Andrei @aliaksandrau is now accused by the deputy interior minister of financing demonstrations. He was arrested on Tuesday but was only allowed to see his lawyer today, under the pretext of health restrictions. #COVID19 [1/3] pic.twitter.com/wiVMgE7Vv9
— RSF (@RSF_inter) January 15, 2021