На мяжы затрымалі партыю псыхатропаў больш як на 3,5 мільёна дялараў.
42-гадовы грамадзянін Сэрбіі на грузавіку спрабаваў перавезьці праз памежны пункт «Казловічы» 182 кг псыхатропаў, схаваных у прамысловым вэнтылятары, паведаміла Берасьцейская мытня.
Наркотыкі знайшлі з дапамогай сканэра і службовага сабакі. Экспэрты высьветлілі, што гэта псыхатропныя рэчывы: МДМА, амфэтамін і мэтамфэтамін. Іх хапіла б больш як на 600 тысяч дозаў агульным коштам больш за 3,5 млн даляраў.
Вэнтылятар, у якім знайшлі наркотыкі
Кіроўцу затрымалі, яму пагражае да 10 гадоў турмы. Калі высьветліцца, што ён дзейнічаў з кімсьці ў змове, пакараньне можа быць яшчэ мацнейшым.
ГЛЯДЗІЦЕ ТАКСАМА: У Лідзе пасажырскі цягнік сутыкнуўся з бэтонным слупам, пакладзеным на рэйкі ГЛЯДЗІЦЕ ТАКСАМА: Навошта Лукашэнка перакрывае межы?