У прыватнасьці, для апэратараў сотавай сувязі праект зьменаў прадугледжвае сур’ёзнае падвышэньне стаўкі падатку на прыбытак: ад 18% да 30%. Згодна з тлумачэньнем уладаў, такія захады закліканыя кампэнсаваць выдаткі на барацьбу з COVID-19.
ГЛЯДЗІЦЕ ТАКСАМА: Налета вырастуць падаткі для ІТ, прадпрымальнікаў, рамесьнікаў. Што гэта значыць для эканомікіАднак, на думку прадстаўнікоў А1, гэтыя зьмены пацягнуць за сабой непажаданыя эканамічныя наступствы, пракамэнтавалі «Інтэрфаксу» у кампаніі А1.
«Як частка A1 Telekom Austria Group, буйнога інвэстара ў сфэры інфармацыйна-камунікацыйных тэхналёгій у Беларусі, на працягу многіх гадоў мы зьяўляемся адным з набуйнейшых падаткаплатнікаў сярод кампаній зь недзяржаўнай формай уласнасьці. Таму выказваем шкадаваньне, што тэлекамунікацыйная і IT-галіны зноў сутыкаюцца з пагаршэньнем інвэстыцыйнага клімату для вядзеньня бізнэсу — у той час як іншыя краіны заахвочваюць інвэстыцыі ў сфэрах інфармацыйных тэхналёгій і лічбавай трансфармацыі».
ГЛЯДЗІЦЕ ТАКСАМА: «71 гадзіна без падключэньня». Выйшла справаздача пра блякаваньне мабільнага інтэрнэту ў БеларусіПад дзеяньне праекту закону «Аб зьменах у Падатковым кодэксе» трапляюць усе беларускія апэратары фіксаванай і мабільнай сувязі (А1, МТС, life :), а таксама beCloud) і РУП «Белтэлекам» як апэратар у аказаньні паслуг электрасувязі.
Акрамя таго, беларускія ўлады прымушаюць мабільных апэратараў абмяжоўваць інтэрнэт-трафік карыстальнікам падчас масавых акцый пратэсту, што таксама выклікае занепакоенасьць у інвэстараў.