Міністэрства аховы здароўя Беларусі выдала рэгістрацыйнае пасьведчаньне на вакцыну «Гам-КОВІД-Вак» гандлёвай маркі «Спутник V» , паведаміла беларускае міністэрства ў сваім Telegram.
Міністар аховы здароўя Дзьмітрый Піневіч заявіў, што:
«Паводле дамоўленасьці двух кіраўнікоў дзяржаваў мы сталі першай краінай, якая ўзяла ўдзел у клінічных выпрабаваньнях вакцыны „Спутник V“. Сёньня мы можам афіцыйна заявіць, што, паводле наяўных на сёньняшні дзень дадзеных, вакцына бясьпечная і эфэктыўная, сур’ёзных або непрадбачаных пабочных эфэктаў выяўлена не было».
Міністар дадаў, што па выніках працэдуры дзяржаўнай рэгістрацыі вакцына можа быць дапушчаная да рэалізацыі і мэдыцынскага ўжываньня на тэрыторыі Беларусі.
Раней у Беларусі прайшлі клінічныя выпрабаваньні вакцыны на 100 добраахвотніках.
ГЛЯДЗІЦЕ ТАКСАМА: «Д’ябал у дэталях». Чым адрозьніваюцца вакцыны супраць каранавірусу ГЛЯДЗІЦЕ ТАКСАМА: У сьвеце паніка ад новага штаму каранавірусу ў Брытаніі. Беларусь не прыпыняе палётаў у Лёндан