Кіраўнікі 20 дзяржаваў з найбольш разьвітымі або разьвіванымі эканомікамі праводзяць у суботу і нядзелю віртуальны саміт пад старшынствам Саудаўскай Арабіі.
На парадку дня саміту «Вялікай дваццаткі» — барацьба з пандэміяй COVID-19 і выкліканай ёю глябальнай рэцэсіяй. Абмяркоўваюцца захады стымуляваньня эканамічнага росту пасьля чаканага аднаўленьня кантролю над распаўсюджваньнем каранавірусу.
ЭЗ мае намер у нядзелю прапанаваць сябрам «Вялікай дваццаткі» падпісаць міжнародную дамову аб сумесных дзеяньнях у выпадках пандэмій.
ГЛЯДЗІЦЕ ТАКСАМА: Афіцыйны прырост хворых на COVID-19 у Беларусі ўпершыню перавысіў 1,5 тысячыАднаўленьне сусьветнай эканомікі ідзе нераўнамерна, і пандэмія, хутчэй за ўсё, нанясе моцныя страты многім краінам, заяўляюць у Міжнародным валютным фондзе. Па словах генэральнага сакратара ААН Антонію Гутэрыша, найбяднейшыя краіны зь вялікімі пазыкамі «знаходзяцца на мяжы фінансавага краху, галечы, голаду і пакутаў».
ГЛЯДЗІЦЕ ТАКСАМА: Дабрачынныя арганізацыі заклікалі спыніць выплаты пазык бедных краінаўДля вырашэньня гэтай праблемы члены G20, як чакаецца, ухваляць мараторый на абслугоўваньне доўгу для разьвіваных краінаў на шэсьць месяцаў да сярэдзіны 2021 году з магчымасьцю далейшага падаўжэньня, гаворыцца ў праекце камюніке G20, тэкст якога мае агенцтва Reuters.