Позна вечарам 12 лістапада армянскія ўлады вызвалілі трох лідэраў апазыцыі, якія раней бралі ўдзел у пратэстах, дамагаючыся адстаўкі прэм’ер-міністра Нікола Пашыньяна.
На волю выпусьцілі Эдуарда Шармазанава з Рэспубліканскай партыі, прадстаўніка партыі «Дашнакцут’юн» Гегама Манук’яна, а таксама лідэра партыі «Радзіма», былога дырэктара Службы нацыянальнай бясьпекі Артура Ванэцьяна.
ГЛЯДЗІЦЕ ТАКСАМА: У Ерэване спэцназ правёў затрыманьні на мітынгу за адстаўку ПашыньянаДа гэтага Спэцыяльная сьледчая служба Армэніі заявіла аб затрыманьні пасьля пратэстаў больш за дзесяць апазыцыйных лідэраў у рамках крымінальнай справы аб арганізацыі і правядзеньні масавых сходаў у сталіцы з парушэньнем закону.
Акрамя адстаўкі Пашыньяна, армянская апазыцыя дамагаецца фармаваньня антыкрызіснага ўраду.