4 кастрычніка ў Беларусі зафіксавалі 10 пратэставых акцый. За выключэньнем сталіцы, яны былі нешматлікія — ад 20 да 100 чалавек, інфармуе Міністэрства ўнутраных спраў.
«Паддаўшыся на заклікі некаторых тэлеграм-каналаў, частка грамадзянаў падышла да будынка ЦІП ГУУС Менгарвыканкаму на 1-м завулку Акрэсьціна. Агульная колькасьць удзельнікаў пратэсту склала каля 10 тысяч чалавек», — паведаміла прадстаўніца ведамства Вольга Чамаданава.
Раней sb.by пісала, што «ўсяго памітынгаваць сёньня сабралося чалавек 600».
ГЛЯДЗІЦЕ ТАКСАМА: На «Марш вызваленьня палітвязьняў» у Менску выйшлі больш за 100 тысяч чалавек. ФОТА, ВІДЭАПры гэтым назіральнікі і журналісты недзяржаўных выданьняў сышліся на іншай лічбе — больш за 100 тысяч удзельнікаў Маршу салідарнасьці з палітзьняволенымі.
Чамаданава дадала, што супраць агрэсіўна настроеных грамадзянаў ужываліся спэцсродкі. У Менску — вадамёты, у Віцебску і Горадні — сьлезацечны газ.
ГЛЯДЗІЦЕ ТАКСАМА: У Менску пратэстоўцаў пачалі разганяць вадамётам, людзі вывелі яго са строю. ФОТАУсяго за парушэньне заканадаўства аб масавых мерапрыемствах затрымалі 317 пратэстоўцаў. 258 чалавек пакінулі да суду ў ізалятары.