Футбольны клюб «Маладэчна» выйшаў на матч чарговага туру ў футболках з партрэтам Мікіты Крыўцова — фаната і ўдзельніка акцыяў пратэсту, паведамляе Kraj.by.
Памяць аматара футболу гульцы ўшанавалі хвілінай маўчаньня. На трыбунах заўзятараў не было — Беларуская фэдэрацыя футболу забараніла доступ на стадыёны ва ўсіх лігах, хоць дазваляла заўзятарам зьбірацца ў разгар пандэміі.
ГЛЯДЗІЦЕ ТАКСАМА: Брат загінулага Мікіты Крыўцова да беларусаў: змагайцеся і абараняйце сябе і сваіх блізкіхМікіта Крыўцоў зьнік 12 жніўня і праз 10 дзён быў знойдзены нібыта павешаным у лесе. Сваякі ў афіцыйную вэрсію сьледзтва (самагубства) ня вераць і перакананыя, што Мікіту забілі — або пры затрыманьні, або пасьля.
ГЛЯДЗІЦЕ ТАКСАМА: Сотні чалавек прыйшлі разьвітацца зь Мікітам Крыўцовым. ФОТА, ВІДЭА