Прэм’ер-міністар Армэніі Нікол Пашыньян накіраваў віншавальнае пасланьне Аляксандру Лукашэнку, паведамляе «Интерфакс».
«Віншую з пераабраньнем на пасаду прэзыдэнта Рэспублікі Беларусь. Жадаю Вам посьпехаў і новых зьдзяйсненьняў на пасадзе кіраўніка дзяржавы. Упэўнены, што сумеснымі намаганьнямі мы і надалей будзем умацоўваць дружбу паміж нашымі народамі і пашыраць узаемавыгаднае супрацоўніцтва паміж нашымі краінамі як на двухбаковай аснове, так і ў рамках міжнародных арганізацый і інтэграцыйных абʼяднаньняў», — гаворыцца ў пасланьні Пашыньяна.
ГЛЯДЗІЦЕ ТАКСАМА: Эўрадэпутат: Лукашэнка прайграў Ціханоўскай, і ЭЗ павінен патрабаваць перападліку галасоўЯк паведамляе прэс-служба армянскага ўраду, прэмʼер Армэніі адзначыў, што гатовы прыкласьці ўсе намаганьні для найпаўнейшай рэалізацыі ўсяго патэнцыялу адносін паміж дзьвюма краінамі.
«Карыстаючыся выпадкам, жадаю Вам, паважаны Аляксандр Рыгоравіч, моцнага здароўя, а брацкаму народу Беларусі — міру і працьвітаньня», — адзначыў Пашыньян.
ГЛЯДЗІЦЕ ТАКСАМА: Ціханоўская падала скаргу ў ЦВК на вынікі выбараўРаней у панядзелак Цэнтрвыбаркам апублікаваў абноўленыя дадзеныя па выніках галасаваньня на выбарах прэзыдэнта Беларуcі, якія прайшлі 9 жніўня. Паводле афіцыйных лічбаў, Аляксандр Лукашэнка набраў 80,08% галасоў выбарнікаў, а ягоная галоўная суперніца Сьвятлана Ціханоўская — 10,09%.
Ціханоўская не прызнала перамогі Лукашэнкі і заявіла на прэсавай канфэрэнцыі 10 жніўня лічыць сябе пераможцай на выбарах кіраўніка дзяржавы. Сваю выснову яна аргумэнтавала колькасьцю ахвотных за яе прагаласаваць на ўчастках: «Вы бачылі, што адбывалася на ўчастках. У нас ёсьць зьвесткі незалежных назіральнікаў».
ГЛЯДЗІЦЕ ТАКСАМА: «Каля 100 камісій ужо апублікавалі сумленныя вынікі». Сумленным чальцам выбаркамаў абяцаюць абарону ГЛЯДЗІЦЕ ТАКСАМА: МУС: Пратэсты былі ў 33 гарадах, затрымалі каля 3000 чалавек