Зьвестак аб пацярпелых грамадзянах Беларусі пры выбуху ў Бэйруце на гэты момант няма, паведаміла міністэрства замежных справаў Беларусі ў Twitter раніцай 5 жніўня.
Амбасада Беларусі ў Сырыі знаходзіцца ў пастаянным кантакце з кампэтэнтнымі органамі Лібану, дадае міністэрства.
По данным @BelarusEmSyria в настоящее время сведений о пострадавших гражданах 🇧🇾 в результате взрыва 4.08 в порту Бейрута нет. Посольство находится в постоянном контакте с компетентными органами 🇱🇧.📞 Посольства для экстренной связи: +963948888653 (Сирия);+96170534212 (Ливан)
— МИД Беларуси 🇧🇾 (@BelarusMID) August 5, 2020
Як перадае Reuters, ня менш за 100 чалавек загінулі ў выніку сэрыі выбухаў у Бэйруце, яшчэ больш за 4 тысячы чалавек пацярпелі.
У аўторак сэрыя выбухаў прагрымела ў партовай зоне лібанскай сталіцы. Выбухная хваля разбурыла вялікую колькасьць будынкаў, выбіла шыбы і дзьверы. Пашкоджаны будынак міжнароднага аэрапорта. Выбухны ўдар адчулі нават на Кіпры.
Улады Лібану заявілі, што прычынай магутных выбухаў у партовай зоне Бэйруту сталі 2750 тон аміячнай салетры, канфіскаванай мытнымі службамі шэсьць гадоў таму. Яна захоўвалася на складзе.