У Польшчы афіцыйна працуе каля 42 тысяч беларусаў, спасылаецца на афіцыйныя дадзеныя сайт wyborcza.pl. Польшча разам з Расеяй лічыцца адной з самых папулярных краін для працоўнай міграцыі беларусаў.
Агулам колькасьць працаўнікоў-замежнікаў у Польшчы перавышае 600 тысяч. Беларусы ў колькасьці саступаюць толькі ўкраінцам, доля апошніх складае 72% ад усіх іншаземцаў.
ГЛЯДЗІЦЕ ТАКСАМА: Беларускія фірмы часткова аднавілі аўтобусныя рэйсы ў ПольшчуАле, як удакладняе польскае выданьне, гэта толькі тыя людзі, якія маюць страхоўку. У статыстыцы ня ўлічаныя гастарбайтэры, якія працуюць паводле дамовы падраду ці нелегальна — а такіх бальшыня.
Падчас распаўсюду каранавірусу, увядзеньня ў Польшчы карантыну і закрыцьця межаў нямала іншаземцаў пасьпяшаліся вярнуцца на радзіму.
ГЛЯДЗІЦЕ ТАКСАМА: Польскі LOT аднаўляе палёты ўнутры краіны, міжнародных рэйсаў пакуль нямаУлады Польшчы плянуюць пачаць аслабляць абмежаваньні ад наступнага тыдня, 15 чэрвеня.